Tokamen Sünndag, den 14. Februar, is Valentinsdag. Dor schenkt de Mannslüüd Fruuns, Fründinnen un Deerns Blomen un Korten oder Breefe mit Gedichten, sünnerlich Leevsgedichten. Besonners de Floristen mookt Propaganda för den Dag vun de Fründschaft.

Tokamen Sünndag, den 14. Februar, is Valentinsdag. Dor schenkt de Mannslüüd Fruuns, Fründinnen un Deerns Blomen un Korten oder Breefe mit Gedichten, sünnerlich Leevsgedichten. Besonners de Floristen mookt Propaganda för den Dag vun de Fründschaft.

Wokeen weer Valentin? He hett üm 270 as Preester un Monk in Rom leevt, weer kloog an Verstand un harr groote Döögt (Tugend). Christen un Heiden hebbt veel vun em hoolen. Minschen, de to em kemen, hett he Blomen ut sien Goorn schenkt. He hett ok Leevspaare na christlichen Bruuk tosamengeven, ofschon de römsche Kaiser Claudius II dat verboden harr. Ok de Kaiser harr vun em höört un wull em kennenlehrn. Valentin is to Claudius sien Palast bröcht worrn un de Kaiser snack em fründlich an: „Warum dienst du dem eitlen Aberglauben der Christen, da du doch so verständig bist? Ich möchte gerne dein Freund sein, aber ich verlange von dir, dass du zu den alten Göttern Roms zurückkehrst.” Valentin sien Antwort: „Du würdest das nicht von mir verlangen, wenn du etwas von der Herrlichkeit Gottest ahntest, und das Christus wahrhaftig sein Sohn ist.” Vun düsse Menen güng Valentin nich af. Un op de Fraag, wat denn de olen Götter weern, hett de greise Preester antwoort: „Dat sünd Dämonen.” All Anwesenden weern zornig un böös un wullen, dat Valentin doot mookt wöör. Blots de Kaiser wull wieder mit em snacken, ok gegen de Menen vun sien Ratgevers. Aver denn övergeev he Valentin sien Präfekt un de Richters un de hebbt em foltert un köppt. Dat schull an?n 14. Februar weest sien.

In?t Middeloller weer de Valentinsdag en Dag för grote „Gastmähler”, en Dag för Seefohrtsmahltieden vun Gilden, Zünften un Broderschaften. Mit Valentin fangt de Faschingstied an. In Frankriek un England weer dat siet de Tied vun Königin Victoria begäng, de Fruuns Blomen to schenken un Bref op sülvstmalte Korten, de mit Harten un Spitze utsmückt weern. Dat Hart is ok hüüt noch dat Symbol vun den Dag, dorüm warrt de Blomenstrußen in Hartform bunnen un de Koken in Hartform backen - natürlich wunnerbar dekoreert. Vun Amerika kemen de Valentinsbruuk in de 1950 Johren na Düütschland. Ok hüüt kann een dor in?t Blatt vun lesen. Anzeigen över Blomen, Smuck, fein Eten in Lokale. Un Deerns dröömt villicht vun den jungen Mann, den se mol heiraten wüllt. Thies Meester

---